Tún vottað lífrænt lambakjöt er komið á markað undir vörumerkinu Himnesk Hollusta.  Lambakjötið er frá Mælifellsá í Skagafirði og er  meðhöndlað sérstaklega fyrir neytandann. Lambakjötið er fullmeyrnað sem tryggir mýkt og gæði kjötsins.  Kjötið verður selt frosið og verður fáanlegt í Maður lifandi, Borgartúni og Hæðasmára, Fjarðarkaup, Melabúðinni og Þín Verslum, Seljabraut.

Þetta er nýjung í “Himnesk Hollusta” vörulínunni og stenst fyllilega þá  gæðastaðla sem falla undir það vörumerki.

Lífrænt lambakjöt

Mjög fáir bændur stunda lífræna ræktun á lambakjöti og er ástæðurnar væntalega margvíslegar.  Til að fá vottun á lífrænu lambakjöti þarf bóndinn að uppfylla mörg skilyrði.

Jörð og tún þurfa að vera friðuð frá áburði og öllum aukaefnum í a.m.k 2-3 ár áður en framleiðsla getur hafist.

Tún þurfa að vera næg þar sem minna gras fæst af hverjum hektara en með hefðbundinni áburðargjöf. Heyskapur á Mælifellsá er með gamla laginu, heyið er fullþurrkað og og hirt í lausu.
 
Einugis er notast við íslenskt fóður.

Féð á Mælifellsá gengur sjálfala inn og út úr fjárhúsunum sem gerir féð hraustara og mun glaðara.

Mælifellsá hefur verið lífræn jörð í 10 ár